Prince of Dreams
المدير
العمر : 30
تاريخ التسجيل : 13/11/2010
عدد المساهمات : 100
نقاط : 528200
الموقع : مصر
 |  موضوع: حواااااااااااار جامد مووووت مع محمد سراج سيجووو الإثنين فبراير 28, 2011 10:25 am | |
| سمعنا انك عامل اغنيتين سينجل امتى هينزلوا؟؟
بعد الامتحانات برضو ان شاء الله
أنت عندك فرقة خاصة بيك؟؟؟
أة.
هما من أصحابك؟؟
أة.
شوفناك
في الاكاديمي دايما ممثل كوميدي ناجح جدا..لكن هل ممكن نشوف محمد سراج
ممثل اكشن او دراما, ولا حابب لو مثلت تكون علىطبيعتك اللي هي الكوميدي؟؟
عادي
و أية المشكة؟؟الواحد ممكن يعمل اكشن ويبقى على طبيعته برضو, لأن ممكن
الانسان الطبيعي يتعرض لموقف في حياته يضطر انة يعمل موقف اكشن وممكن انا
ابقى زي ما انا وحاجه تحصلي تغير حياتي وافضل على طبيعتي برضو,بس أهم حاجه
أني أعمل الحاجه اللي الناس حابه تشوفني فيها.
في عروض جادة من شركات أنتاج ,, ولا كلام بس؟؟
في
3 شركات بس مش العروض اللي نفسي فيها,,انتي عارفه الواحد عينه على حاجه
كويسة ويبقى في ثقة متبادله,و أهم حاجه نكون مرتاحين لبعض لأني لو حاسس أني
مجبر, الشغل مش هيطلع كويس, أنا واحد معنديش خبرة و مش هفتي في حاجه ماليش
فيها أنا لسة بادي حياتي والحمدالله بدأت بداية كويسة فمحتاج الشركة اللي
تفهمني الطريق الصح لأنة الفلوس مش كل حاجه يعني مش عايز شركة تكون عندها
فلوس و بس , و في نفس الوقت متزعلش الجمهور مني لأن الجمهور عايز مني حاجه
معينة ,, ولازم يكون في تفاهم في وجهات النظر ما بيننا احنا
التلاته(الجمهور والشركة و أنا )
و عايز أقول ان في حاجه جميلة جدا في الطريق لو تمت ان شاء الله هتكون مفاجاة جامده اوي..
يعني في شركة انتاج كويسه؟؟
أة..
مصرية؟؟
أة مصرية و شركة جامده اوي ومحترمة جدا.
في فنانين كلموك بعد خروجك من الاكاديمي او زاروك؟؟
كل زمايلي اللي كانوا في الاكاديمي طبعآ ميرهان وشاهيناز وميسون ونيس ومحمد قماح ..و يسرا ومي كساب كمان.
هل ممكن تعمل ديو مع حد مشهور ولا لسه في الفترة دي هتكون لوحدك؟؟
في معاهم يعني شاهيناز وميسون وكده يعني.
هتعمل معاهم ديو. ولا تالفلهم وتلحنلهم؟؟
كدة و كدة,, ولو ألفت أو لحنت اكيد هشتغل كأنها اغنيا بالظبط , وهكون سعيد جدا ان حد فيهم يغنيلي حاجه.
و في اتنين ديو مع زمايلي اللي كانوا معايا في الاكاديمي السنادي.
قبل ما تخرج من الاكاديمي كنت متوقع حجم شعبيتك وحجم جمهورك,, ولا كنت فاكره أقل او أكتر؟؟
أنا
و أنا جوة مكنتش فاكر ان في حد يعرفني غير أهلي و أصحابي! اه كنت بفرح
بمسج بتجيلي في الاس ام اس نايت بس عرفت لما خرجت ان كان في مسجات كتير
بتتبعتلي ومكانتش بتتعرض والهدايا كانت بتيجي لطلاب معينة وانا لا.هما في
الاكاديمي كانوا بيدوا انطباع لناس معينة انهم مالهمش شعبية وانا كنت واحد
من الطلاب دول ..لأنة تقريبا قعدة الاس ام اس كلها كانت بتكون ل 3 او 4
طلاب بس.
بدون ذكر أسماء هل كان في حد كنت متوقع انه هيصوتلك ومصوتلكش من الطلاب؟؟
لأ
لأني عمري ما فكرت بالطريقة دي , ولا عمري جبت ورقة وقلم وقعدت احسب عدد
الاصوات اللي هتجيلي لووصلت للمرحلة دي لا عمري مسكت واحد وسالته هتصوتلي
ولا لأ , لأني بسيب كل واحد على حريته وكل واحد حر ومش زعلان من اي حد لأني
الحمدالله علاقتي كويسة مع كل الطلاب وتقريبا انا عمري ما عملت مشكله الا
مع ناصر .
اللي هي كانت عالتليفون دي في الاسبوع التالت؟؟
اة بس هي اصلها مكانش التليفون هي كانت عشان اية بس رجعنا حبايب بعديها بدقيقة وعادي خاالص ناصر ده حبيبي اصلا.
غير ناظم شايف ان مين اتظلم واتاثرت بظلمة؟؟
اكيد
ناظم طبعا خصوصا اننا كنا قريبين اوي وبالزات لما حسيت انه اتظلم وكان
مطلومين احنا الاتنين مش بقول اننا احسن من غيرنا بس فعلا اتظلمنا واتاثرت
جدا بالظلم ده وكنت متضايق عليه زي أي صاحب وصاحبه ماشي اكيد بيزعل عليه..
غير ناظم؟؟
زاهر.. زاهر دة فنان عبقري , و مش عارف ازاي زاهر يمشي وناس اقل منه لسه قاعده لحد دلوقتي؟! والناس فاهماني طبعا.
وخولة حبيب قلبي وأية وديالا برضو
ويحيى, لأني حاسس بيه لأني طلعت كتير زيو بس هو فعلا بيبذل مجهود كبير اوي وعقدوة من موضوع البحه اللي عنده دي.
منين جاتلك فكرة حزب البوم بوم تاك تاك؟؟ وأزاي قدرت تجمع أعضائة؟؟
دي
حكاية قدييييمة اوي .. بصي ياستي..بوم بوم تاك تاك دي كلمة كنت عاملها
زمان مع اصحابي في الجامعه وكنت ملحنهااجيتار بوم بوم تاك تاك يا سراج يا
سراج ودايما في الرحلات كنت بغنيها لكل واحد بأسمة , في أول كاستنج كان في
شهر 11 كنا حوالي 400 واحد ففي مرة كنا بنتعشى رحت جبت الجيتار وقولتهالهم
عجبتهم جدا .. رحت قولت بوم بوم تاك تاك بأسم كل واحد فيهم. متخيله اني
اقولها 400 مرة وصلت للنص وكنت بمووت صوتي مكانش طالع لدرجة كنت بقول لكل
واحد قول اسمك بعد مانا اقول بوم بوم تاك تاك .وبعد ما خلص الكاستنج الاول
روحنا بلادنا واخدنا الايميلات والارقام من بعض فبقى اي حد يكلمني قولي ايه
اخبار البوم بوم تاك تاك؟؟ وبعد ما اتقبلنا العشرين واحد وكنا رايحين
عالاكاديمي اول مرة قولتلهم واحنا في الباص يا جماعه اول ما ندخل مش عايزين
جري ولا عايزين نعمل اي صوت بس ندخل بهدووء خالص واول ما اديكوا الاشارة
كلنا نقول بوم بوم تاك تاك بصوت عالي.. بس خولة حبيبي مكانتش مستحمله كانت
مبسوطه اوي راحت اول ما دخلت قعدت تصوت بوم بوم تاك تاك فروحنا كلنا
قولناها بئى ... وبعدين دايما عبد العزيز يقول اوكي اوكي. فجت فكرة اننا
نعمل حزبين .حزب البوم بوم تاك تاك وحزب الاوكي.
مفاضلش الا سبع طلاب دلوقتي شايف مين فرصتو اكبر انه ياخد اللقب؟؟
بصي
هي سياسة ستار اكاديمي واضحة جدا وبتفرض نفسها عالناس .. ان كل بلد
بتاخدها سنة يعني في تلاته فرصتهم كبيرة اللي هما ابراهيم وبسمة وباش لان
الكويت والمغرب وسوريا مأخدوهاش قبل كده.
علاقتك مستمرة مع مين من الطلاب بعد الاكاديمي؟؟
كلهم,, كلهم حبايبي
احلى حاجه حصلتلك في الاكاديمي كانت ايه؟؟
لما حوشت الماسك في اول برايم.
اسوء حاجه حصلتلك في الاكاديمي؟؟
اني طلعت نومنيه كتير,, كتير اوي
سوري في السؤال بس هل حسيت في وقت انك فاشل؟؟
اول مرتين بدأت احس اني فاشل فعلا, لأني كنت بحاول اعمل حاجه وأحسن من نفسي في الايفال وبرضو بطلع نومنيه
ايه اكتر نومنيه ضايقك؟؟
التالت
والرابع , التالت بالزات لأني كنت عامل الضمير العربي مع ناصر و زاهر وكنا
شغالين كويس اوي وعاملين بروفات كتير ولأن كان في ناس واقعه في غلطات وكنت
حاسس اني كويس وكنت مركز على فتحة الفم زي ما مدام ميري كانت بتقول واني
معملش نشاذ. فمن ساعتها بدأت احس انهم مستقصدينني و دة كان قصدي لو تفتكروا
لما طلعت نومنيه رابع مرة في الاسبوع الخامس وقولت اللي في بالي طلع صح ..
كنت قاصد انهم فعلا طلعوا مستقصدينني . ورابع نومنيه لما طلعت انا وناظم
كنت متضايق جدا برضو وطلعت كل اللي جوايا انا وناظم وفي اليوم ده كنت مرتاح
جددا اكتر يوم ارتحت فيه انا وناظم.بس برضو حاولت اشتغل على نفسي عشان
حرام فلوس الناس اللي بتصوتلي دي تروح عالفاشي كدة. عشان كده لما اتاكدت
انه استقصاد طلعت وقلت يا جماعه لو سمحتوا متصوتوليش.
بس يمكن لما مطلعتش نومنيه الاسبوع الرابع بدانا نحس انك اتقدمت وانه في امل؟؟
اة مانا الاسبوع الرابع سألتهم انا ايه اللي عملتو مختلف عشان مطلعتش نومنيه عشان ابقى اعملو كل مرة.
بعد كل دة شايف الاكاديمي ادتك اكتر ولا اخدت منك؟؟
قد
بعض .. يعني اخدت مني التوتر وبالذا في الاول .. بس في الاخر انا كل همي
اني اشتغل على نفسي وحريص على راي الجمهور مع احترامي للست اساتذة
لو هتبعت مسج لحد في الاكاديمي هيكون مين واية المسج؟؟
لكل اصحابي هقولهم وحشتووووني.. الاساتذة مش عايز اقولهم حاجه غير اني اثبتلهم في يوم اني حد كويس
كلمة اخيرة تحب تقولها لكل عشاق محمد سراج نجم النجوم القادم باذن الله اللي في الفيس بوك والمنتدى وكل حته.. وتوعدهم بايه؟؟
اذا
كنت وصلت لمرحلة كويسة في حياتي فدي بفضلكوا عليا بعد فضل ربنا وعمري ما
اقدر انكر فضلكوا دة او انساة.. وانكوا وقفتوا جمبي من غير ما تعرفوني دي
حاجه انا بشكركوا عليها جدا..
واوعدكوا اني مش هخذلكوا ابدا , وحبكوا
ليا ده مسئولية كبيرة ان شاء الله هكون قدها. واحلى بوم بوم تاك تاك
وياخلااازي عليكوا بجد... بحبكم | |
|
